काठमाडौं : विश्वलाई नै त्रसित बनाइरहेको नोबेल कोरोना भाइरसको आधिकारिक नामाकरण गरिएको छ ।

विश्व स्वास्थ्य संगठनले यसको नाम कोभिड -१९ राखेको छ । डिसेम्बर ३१ मा पहिलोपटक चीनमा देखिएको यो भाइरसको नाम अब भने कोभिड -१९ ले चिनिनेछ ।

विश्व स्वास्थ्य संगठनका प्रमुख टेड्रोसले जेनेभामा पत्रकार सम्मेलन गर्दै कोरोना बाट ‘को’ भाइरसबाट ‘भि’ र डिजिजबाट ‘डी’ लिएर कोभिड बनाइएको बताए ।  १९ भने राेग  फेला परेकाे वर्ष हो । कोभिड- १९ ले हालसम्म चीनमा मात्र ११ सय बढीको ज्यान गइसकेको छ भने ४४ हजार बढी मानिस संक्रमित भएका छन्।

नेपालमा चीनबाट फेर्केका एक जना नेपालीमा कोरोना भाइरस फेला परेको भए पनि उनी उपचार पछि घर फर्किसकेका छन्।