२५ माघ २०७६ , शनिबार

चीनमा कोरोना भाइरसका कारण मृत्यु हुनेको संख्या ७२२ पुग्यो

चीनमा कोरोना भाइरसका कारण मृत्यु हुनेको संख्या ७ सय २२ पुगेको छ । शुक्रबार मात्रै ८८ जनाको मृत्यु भएपछि चीनमा मृत्यु हुनेको संख्या ७ सय २२ पुगेको चीनको राष्ट्रिय स्वास्थ्य आयोगले जनाएको हो ।

शुक्रबार मात्रै चीनमा ८८ जनाको मृत्यु भएको छ भने ३ हजार ३ सय ९९ नयाँ संक्रमित फेला परेको पनि आयोगले जनाएको छ । चीनको वुहानमा गत डिसेम्बरबाट शुरु भएको कोरोना भाइरसका कारण ३४ हजार ५सय ४६ जना संक्रमित भइसकेका छन्।

वुहानमा शुक्रबार भर्ना भएका बिरामी मध्ये १ हजार २ सय ८० जना सिकिस्त रहेको पनि आयोगले जनाएको छ । ५ सय १० जना भने शुक्रबार उपचारपछि निको भएर घर फर्केका छन्। चीनबाट शुरु भएको कोरोना भाइरसले विश्वलाई नै त्रसित बनाइरहेको छ । चीनबाहेक फिलिपिन्समा एक जना र हङकङमा एक जनाको मृत्यु भएको छ ।