खोटाङ : हलेसी तुवाचुङ नगरपालिकाले नियमित गर्भ जाँच गराएका महिलासँग ‘कोसेली भेट’ कार्यक्रम गरेको छ। स्वास्थ्यकर्मीकाे सल्लाहअनुसार नियमित चार पटक गर्भ जाँच गराएका हलेसी तुवाचुङ नगरपालिका–८ धितुङका ६० जना गर्भवती महिलासँग नगरपालिकाले ‘कोसेली भेट’ कार्यक्रम गरेको हो।

बहुक्षेत्रीय पोषण कार्यक्रम र वडा कार्यालय धितुङसँगको सहकार्यमा नगर स्वास्थ्य शाखाले मंगलबारुकोसेली भेटु कार्यक्रम अन्तर्गत धितुङका गर्भवती महिलालाई अण्डा, आयोडिन नुन, सरसफाइका लागि साबुन, रुमाल लगायत कोसेली प्रदान गरेको हाे। नियमित गर्भ जाँच गराउने महिलालाई सम्मान गर्दै अन्य गर्भवती महिलालाई पनि नियमित गर्भजाँच गर्न प्रोत्साहित गर्नका लागि नगरपालिकामा गर्भवती महिलासँग कोसेली भेट कार्यक्रम शुरु गरिएको हलेसी तुवाचुङ नगरपालिकाका प्रमुख इवन राईले बताए। ‘

नियमित गर्भ जाँच गराउने गर्भवती महिलालाई नगरप्रमुख राई, उपप्रमुख विमला राईले कोसेली भेट कार्यक्रम अन्तर्गतका सामग्री हस्तान्तरण गरेका छन्।