काठमाडौं :  विश्व मिर्गौला दिवसको अवसर पारेर काठमाडौंको शान्तिनगरस्थित निःसहाय सेवा सदनमा रहेका जेष्ठ नागरिकहरुको स्वास्थ्य परीक्षण गरिएको छ ।

त्रिवि शिक्षण अस्पतालको नेफ्रोलोजी विभाग र नेपाल मेडिकल स्टुडेन्ट्स सोसाइटीको संयुक्त आयोजनामा आश्रममा रहेका जेष्ठ नागरिकहरुको मिर्गौला लगायत अन्य परीक्षण गरिएको हो।

त्रिवि शिक्षण अस्पताल नेफ्रोलोजी विभागकी प्रमुख एवम वरिष्ठ मिर्गौला रोग विशेषज्ञ प्रा. डा. दिव्या सिंह शाहले कसैको आँखा नपर्ने, शिविरका लागि पनि कमै मात्र आउने यस सेवा सदनमा आएर उनीहरुको स्वास्थ्य परीक्षण गरिएको बताइन, उनले भनिन, ‘दिवसमा हामी यसभन्दा अघि बच्चाहरुको मिर्गौला जाँचका लागि विद्यालय जाने गरेका थियौं, यसपटक जेष्ठ नागरिकहरुलाई पनि समेट्ने प्रयास स्वरुप यहाँ आएका छौं। यसपटककाे नारा पनि  मिर्गौला स्वास्थ्य सबैका लागि सबैजनाका लागि भन्ने छ।

निःसहाय सेवा सदनमा  रहेका अड्तीस जना जेष्ठ नागरिकको मिर्गौला मात्र नभई अन्य परीक्षण गरेर औषधि समेत बाँडिएको थियो ।