२६ फाल्गुन २०७५ , आइतवार

पूर्वमुमाबडामहारानी भाेलि डिस्चार्ज हुने

काठमाडौं : नर्भिक अस्पतालमा उपचाररत पूर्वमुमाबडामहारानी रत्न शाहको स्वास्थ्यमा क्रमिक सुधार भएको छ। उनी सम्भवतः सोमबार डिस्चार्ज हुने अस्पतालले जनाएको छ।

घरमै सामान्य बिरामी ९१ वर्षीया रत्नलाई पखला लाग्ने र पिसाब कम हुने समस्या थपिएपछि परिवारले गत मंगलबार नर्भिक पुर्‍याएको थियो। लगत्तै उनको परीक्षण रगतमा संक्रमण भएको पाइएपछि अस्पताल नै भर्ना गरेर उपचार गरिएको थियो।

रत्नको उपचारमा अहिले डा खगेन्द्रबहादुर श्रेष्ठ, डा मृगेन्द्रराज पाण्डे, डा मधु घिमिरे, डा ब्रजेन्द्र श्रीवास्तवको टोली खटिएको छ। सोमबार डिस्चार्ज हुने चिकित्सकहरूले बताएकाे पूर्वराजा ज्ञानेन्द्र शाहका स्वकीय सचिव फणिन्द्र पाठकले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।