२१ फाल्गुन २०७५ , मङ्लबार

डा. डीबी कार्कीलाई लाइफ टाइम अवार्ड

काठमाडौं : वरिष्ठ मुटुरोग विशेषज्ञ डा. डीबी (डम्बर बहादुर) कार्की लाइफ टाइम अवार्डबाट सम्मानित भएका छन्।

नेपाल चिकित्सक संघले आफ्नो ६९औं वार्षिकोत्सवको उपलक्ष्यमा डा. कार्कीलाई उक्त अवार्ड प्रदान गरेको हो। ‘डक्टर्स डे’को अवसरमा सोमबार आयोजित कार्यक्रममा स्वास्थ्य राज्यमन्त्री डा. सुरेन्द्र यादवले उनलाई अवार्ड प्रदान गरेका हुन्।

नेपालमा मुटु रोगको उपचार पद्तिधको विकास र सर्वसुलभ बनाउन खेलेकाे भूमिकाकाे कदरस्वरूप डा. कार्कीलाई सम्मान गरेकाे संघले जनाएकाे छ।

यस्तै, संघले खड्क–नन्द चिकित्सक अनुसन्धान अवार्ड धरानस्थित बीपी कोइराला स्वास्थ्य विज्ञान प्रतिष्ठानकी डा. शीतल गुप्तालाई प्रदान गरेको छ। अनुसन्धानको क्षेत्रमा योगदान गरेको भन्दै उनलाई उक्त अवार्ड प्रदान गरिएको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।