२० फाल्गुन २०७५ , सोमवार

सरकारी चिकित्सककाे माग सम्बाेधन गर्न ‘एक्सन कमिटी’ गठन

काठमाडौं : असन्तुष्ट सरकारी चिकित्सक संघ (गोदान)को माग सम्बोधन गर्न भन्दै सरकारले ‘एक्सन कमिटी’ गठन गरेको छ। सङ्घीय मामिला मन्त्रालय, स्वास्थ्य मन्त्रालय र गोदानका प्रतिनिधि सम्मिलित समिति गठन भएको हो।

सङ्घीय मामिला मन्त्रालयबाट सचिव दिनेश थपिलया र भूपाल बराल, स्वास्थ्य मन्त्रालयबाट डा. विकास देवकोटा, जनार्दन गुरागाईँ र महेन्द्र श्रेष्ठ र गोदानका प्रतिनिधि रहेका छन्।

गोदानका माग सम्बोधन गर्न मंगलबार स्वास्थ्य मन्त्रालय,सङ्घीय मन्त्रालयका उच्चस्तरीय र गोदानका प्रतिनिधि बसेर सम्झौताका लागि मस्यौदा बनाउने कार्यक्रम तय भएको संघ अध्यक्ष डा. दीपेन्द्र पाण्डेले जानकारी दिए। समिति गठन भएसँगै आफ्ना माग पूरा हुनेमा सकारात्मक रहेकाे उनले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।