१९ फाल्गुन २०७५ , आइतवार

मेडिकल काउन्सिलले लिएको विशेष परीक्षामा ६०.३३% मात्र उत्तीर्ण

काठमाडौं : नेपाल मेडिकल काउन्सिलले शनिबार लिएको विशेष परीक्षामा सहभागी ३६८ जनामध्ये १४६ जना अनुत्तीर्ण भएका छन्। अनुत्तीर्ण हुने चिकित्सकको संख्या ३९ दशमलब ६७ प्रतिशत हो।

२२२ जना अर्थात् ६०.३३ प्रतिशत उत्तीर्ण भएको काउन्सिलका रजिष्टार डा. दिलीप शर्माले जानकारी दिए। गत वर्ष ६६ प्रतिशत पास भएका थिए।

परीक्षमा अनुत्तीर्ण हुनेमा चीन र बंगलादेशमा अध्ययन गरेका चिकित्सकको संख्या बढी रहेको बताइएको छ। परीक्षा शनिबार स्वयम्भुस्थित नेपाली सेनाको स्वास्थ्य विज्ञान संस्थानमा भएको थियो।

याे विशेष परीक्षा यस वर्षको तेस्रो तथा अन्तिम परीक्षा हो। काउन्सिलले वर्षमा तीन पटक विशेषज्ञहरुको लाइसेन्स परीक्षा लिन्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।