काठमाडाैंः आजदेखि देशभरका सरकारी चिकित्सकले सेवा बहिष्कार गर्ने भएका छन्।

सरकारलाई दिएको ७२ घन्टे अल्टिमेटम मंगलबार सकिएपछि आज देशभरका सरकारी अस्पतालमा आकस्मिक बाहेकका सेवा बहिष्कार गरेको सरकारी चिकित्सक संघका अध्यक्ष डा दिपेन्द्र पाण्डेले बताए । उनले भने, ‘हामीले सरकारलाई ७२ घण्टा समय दिएका थियौं तर कुनै जवाफ आएन त्यसैले बाध्य भएर सेवा बहिष्कारमा जान पर्यो।’

कर्मचारी समायोजनप्रति असन्तुष्टि जनाउँदै देशभरका सरकारी चिकित्सकहरु संघकाे नेतृत्वमा झण्डै एक महिना देखि आन्दोलनमा उत्रेका हुन्। सरकारले आफूहरुसँग गरेको सम्झौता पालना नगरेको भन्दै उनीहरुले आजबाट आकस्मिक बाहेकको सेवा बहिष्कारको आन्दोलन शुरु गरेका हुन्।

देशभरका १४ सय सरकारी चिकित्सकले सेवा बहिष्कार गर्दा बिरामीहरू भने मारमा पर्ने देखिएको छ । आफना सबै माग पूरा नभए १४ सय सरकारी चिकित्सकले राजिनामा दिने चेतावनी समेत संघले दिंदै आएको छ ।