१२ फाल्गुन २०७५ , आइतवार

३७ विद्यार्थी एकैपटक बिरामी

रुकुम (पूर्व) : पुथा उत्तरगङ्गा गाउँपालिकास्थित एक विद्यालयका विद्यार्थी ठूलो सङ्ख्यामा एकैचोटी बिरामी भएका छन्। गाउँपालिका–६ मयाङको जनजागृत आधारभूत विद्यालयका ३७ जना विद्यार्थी एकैपटक बिरामी भएका हुन्।

आइतबार बिहान विद्यालयमा प्रार्थना गरिरहेका विद्यार्थीमा एक्कासि टाउको दुख्ने, ज्वरो आउने, रिङ्गटा लाग्ने, वान्ता हुनेजस्ता समस्या देखिएको प्रधानाध्यापक चेतकुमार सेनले बताए। बिहीबार पनि एक\दुईजनामा यस्तो समस्या देखिएको उनले जानकारी दिए।

दुर्गम ठाउँमा रहेको विद्यालय नजिक स्वास्थ्य संस्था नहुँदा उपचारमा समस्या आएको छ। उपचारका लागि हुकामबाट स्वास्थ्यकर्मीको टोली जाँदै गरेको वडाध्यक्ष सेनले बताए।

सो विद्यालयमा २७९ विद्यार्थी अध्ययनरत छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।