२५ माघ २०७५ , शुक्रबार

प्रतिनिधिसभा बैठकमा सांसदले भने, सुर्ती र गुट्खा निषेध गराैँ

काठमाडौं : नेकपाका सांसद महेश बस्नेतले मानव स्वास्थ्यमा गम्भीर असर पार्ने सुर्ती र गुट्खा निषेध गर्न माग गरेका छन्।

प्रतिनिधिसभाको शुक्रबारको बैठकमा शून्य समयमा सांसद बस्नेतले बाग्मती, हनुमन्ते, मनोहरा लगायतका नदी सफाइका सयौँ हप्ता पुग्दासम्म पनि प्लास्टिकका खोल, गुट्खा र सुर्ती खोल नरित्तिएको बताए। मानव स्वास्थ्यलाई ख्याल गर्दै सुर्ती र गुट्खा निषेध गर्नुपर्ने उनको भनाइ छ।

उनले चाउचाउ लगायतका प्लास्टिकजन्य पदार्थले वातावरण प्रदूषण बढाएकाे भन्दै यसमा अतिरिक्त मूल्य लगाउनुपर्ने बताए। सांसद बस्नेतले १५ रुपैयाँ भए १६ रुपैयाँ मूल्य बनाउनुपर्ने र एक रुपैयाँ खोल फिर्ता गरेपछि दिनुपर्ने व्यवस्था लागु गर्न माग गरे।

उनले प्लास्टिकजन्य वस्तुमा प्रतिबन्ध लगाए सडक र खोला नदी सफा हुने बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।