काठमाडाैं : संघीय मामिला तथा सामान्य प्रशासन मन्त्रालयले सार्वजनिक गरेको उपसचिवहरूको समायोजन सूची अनुसार स्वास्थ्य मन्त्रालय र मातहतका कार्यालयका सात उपसचिव संघमा परेका छन्।

बिहीबार सार्वजनिक सूची अनुसार स्वास्थ्य मन्त्रालयमा कार्यरत उपसचिव  रामहरि लामिछाने, बाबुराम खनाल, भक्तराज जोशी र लीलाराज पौडेल संघमा परेका हुन्।

चिकित्सा विज्ञान राष्ट्रिय प्रतिष्ठानका टेकराज अर्याल, स्वास्थ्य सेवा विभागका महेश पाण्डे र स्वास्थ्य निर्देशनालय कास्कीकी उमा गौतम कोइराला पनि संघमै परेका छन्।