२२ माघ २०७५ , मङ्लबार

चिकित्सककाे छाेरी अपहरण गर्ने पक्राउ

काठमाडौं : थापाथलीस्थित प्रसूति गृहकी चिकित्सक डा. बबिता शाहकी छोरी दुई वर्षीया सन्दिज्ञालाई अपहरण गर्ने मुख्य आरोपित पक्राउ परेका छन्। उनी जनकपुरका मनिषकुमार गुप्ता हुन्।

आपसी लेददेनका विषयमा ११ माघमा बालिकाको अपहरण भएको थियो। पछि माग गरिएको रकम एक लाख ५० हजार रुपैयाँ र बालिकालाई तिलगंगास्थित होटलमा छाडेर मनिष भागेका थिए।

सोमबार महाेत्तरीमा पक्राउ परेका गुप्तालाई प्रहरीले काठमाडौं ल्याइसकेको छ। जनकपुर प्रहरीले यसअघि गुप्ताकी श्रीमती अर्चनासहित बाबु श्रेष्ठलाई पक्राउ गरेको थियो। संलग्नता नदेखिएपछि श्रेष्ठलाई छाडिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।