१८ माघ २०७५ , शुक्रबार

‘सहमति ताेडेर चिकित्सा शिक्षा विधेयक पास’

काठमाडौं : प्रमुख प्रतिपक्षी दल नेपाली काङ्ग्रेसका प्रवक्ता विश्वप्रकाश शर्माले डा. गोविन्द केसीसँग यसअघि गरिएका सम्झौता तोड्दै चिकित्सा शिक्षा विधेयक पास गरेको भन्दै आपत्ति जनाएका छन्।

प्रेस युनियन कास्कीद्वारा आयोजित पत्रकार भेटघाटमा प्रवक्ता शर्माले चिकित्सा शिक्षासम्बन्धी राष्ट्रिय नीति तर्जुमा उच्चस्तरीय कार्यदलको प्रतिवेदन २०७२ को मर्म र भावना तथा अन्य कार्यदलका प्रतिवेदनसमेत लत्याइएको बताए।

एउटा विश्वविद्यालयले पाँचभन्दा बढी मेडिकल कलेजलाई सम्बन्धन दिन नहुने भन्ने दफामा पनि डा. केसीसँगको सम्झौता भएको तर त्यसमा समेत सुनुवाइ नभएको प्रवक्ता शर्माले बताए।

२०४६ अघि दुई मेडिकल कलेज भएको देशमा अहिले दुई दर्जन पुगेको भन्दै उनले काठमाडौंमा अहिले मेडिकल कलेज आवश्यक नरहेको तर्क गरे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।