१७ माघ २०७५ , बिहिबार

शुक्रबार देशभरका अस्पतालमा आकस्मिकबाहेकका सेवा ठप्प हुने

काठमाडौं: नेपाल चिकित्सक संघले प्रा डा गोविन्द केसीको जीवन रक्षाका लागि भन्दै भोलि शुक्रबार देशभरका अस्पतालमा आकस्मिक बाहेकका सबै सेवा बन्द गर्ने निर्णय गरेको छ ।

विज्ञप्तिमा सांकेतिक आन्दोलन स्वरुप देशभरका सरकारी, गैरसरकारी, निजी, मेडिकल कलेज लगायतका सम्पूर्ण स्वास्थ्य संस्थाहरुमा आकस्मिक बाहेकका स्वास्थ्य सेवा पूर्ण रुपमा बन्द गर्ने निर्णय गरिएको उल्लेख छ।

विहिबार प्रेस विज्ञप्ती जारी गर्दै संघले अनशनको २३ दिन पुग्दा समेत सरकारले डा केसीको जीवन रक्षाका लागि कुनै पहल नगरेको र केसीको जीवनरक्षाका लागि गरिएका कार्यक्रमहरुप्रति बेवास्ता गरेकाे भन्दै भत्सर्ना समेत गरेको छ ।

संघकै आव्हानमा सोमबारदेखि चिकित्सकहरु रिले अनशनमा छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।