१७ माघ २०७५ , बिहिबार

चिकित्सा शिक्षा विधेयक राष्ट्रिय सभाबाट पनि पारित

काठमाडौं: प्रमुख प्रतिपक्षी नेपाली कांग्रेसको अवरोधबीच राष्ट्रिय सभाको बिहीबारको बैठकबाट राष्ट्रिय चिकित्सा विधेयक पारित गरिएको छ ।

शिक्षा, विज्ञान तथा प्रविधि मन्त्री गिरिराजमणि पोखरेलले बैठकमा राखेको राष्ट्रिय चिकित्सा शिक्षा विधेयक२०७५ बहुमतले पारित भएको हो ।राष्ट्रिय सभाबाट पनि पारित भएसँगै संघीय संसद्‌बाट राष्ट्रिय चिकित्सा शिक्षा विधेयक पारित भएको छ।

प्रतिनिधि सभाको माघ ११ गते बसेको बैठकमा पनि प्रमुख प्रतिपक्षीको विरोधका बीच चिकित्सा विधेयक पारित भएकाे थियो ।
संंघीय संसदको दुबै सदनबाट विधेयक पारित भएपछि अव यो विधेयक राष्ट्रपति समक्ष प्रमाणीकरणको लागि जान्छ र राष्ट्रपतिबाट प्रमाणीकरण भए लगत्तै ऐनको रुपमा कार्यान्वनय हुनेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।