१७ माघ २०७५ , बिहिबार

स्वास्थ्य शिविरमा १५ जनाकाे माेतियाविन्दु शल्यक्रिया

दमौली : नेपाल रेडक्रस सोसाइटी तनहुँ जिल्ला शाखाले भानु नगरपालिका–१३ ठूल्ढुङ्गामा आयोजना गरेको स्वास्थ्य शिविरमा १५ जनाको मोतियाविन्दुको शल्यक्रिया गरिएको छ ।

शहीद दिवसको अवसरमा सोसाइटीले मंगलबार र बुधबार आयोजना गरेको निःशुल्क स्वास्थ्य शिविरमा १५ जनाको मोतियाविन्दुको शल्यक्रिया गरिएको शाखाका सभापति कृष्णहरि वाग्लेले जानकारी दिए।

‘भूकम्प प्रभावित समुदायका अपांगता भएका व्यक्तिका लागि सशक्तीकरण र समावेशीकरण कार्यक्रम’ अन्तर्गत भक्तपुरस्थित बीपी नेत्र प्रतिष्ठानको प्राविधिक सहयोगमा उक्त शिविरमा पाँचजनाको कानको शल्यक्रिया गरिएकाे थियाे।६० जनालाई चश्मा र चारलाई श्रवणयन्त्र प्रदान गरिएको थियो।

शिविरमा ७७५ जनाले स्वास्थ्य सेवा लिएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।