१६ माघ २०७५ , बुधबार

बाँसबारी क्लबलाई स्पार्क हेल्थ होम हस्पिटलकाे प्रायाेजन

काठमाडौं : ‘बी’ डिभिजन क्लब बाँसबारीलाई कालिमाटी स्थित स्पार्क हेल्थ होम हस्पिटलले प्रायोजन गरेको छ। स्पार्क हस्पिटलले बाँसबारी क्लबलाई एक वर्षका लागि आठ लाख रुपैयाँ बराबरको प्रायोजन गरेको हो।

मंगलबार बाँसबारी र स्पार्क बीच सम्झौतापत्रमा हस्ताक्षर भएको छ। सम्झौतापत्रमा क्लबका अध्यक्ष प्रेम थापा र अस्पतालका निर्देशक रूपेश अधिकारीले हस्ताक्षर गरे। क्लबका अध्यक्ष प्रेम थापाले स्पार्क हस्पिटलको प्रायोजनले ‘बी’ डिभिजन लिग खेल्न क्लबलाई धेरै राहत दिएको बताए । हस्पिटलका निर्देशक अधिकारीले पनि ‘बी’ डिभिजन क्लब बाँसबारी’सँग जाेडिन पाउँदा खुशी लागेकाे बताए।

सम्झौतासँगै क्लबले स्पार्क हस्पिटलको लोगो अङ्कित जर्सीको प्रयोग गर्नेछ। ‘बी’ डिभिजन लिग यही माघ २५ गतेदेखि हुँदैछ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।