सुशील कोइराला प्रखर क्यान्सर अस्पताल र गिरिजाप्रसाद कोइराला स्वासप्रश्वास अस्पताल केन्द्र सरकार मातहत रहने
काठमाडौं : सरकारले दुई नेताका नाममा रहेका अस्पताल केन्द्र मातहतमा राख्ने निर्णय गरेको छ ।
सोमबार मन्त्रिपरिषद बैठकले बाँकेको खजुरा गाउँपालिकामा रहेको सुशील कोइराला प्रखर क्यान्सर अस्पताल र तनहुँमा रहेको गिरिजाप्रसाद कोइराला स्वासप्रश्वास केन्द्र केन्द्र मातहतमा राख्ने निर्णय गरेको हो ।
सरकारले यी दुवै अस्पताल प्रदेश सरकारको मातहतमा राख्ने निर्णय गरेको थियो। कांग्रेसले सरकारको उक्त निर्णयको विरोधमा संसद अवरोधका साथै सडक आन्दोलन घोषणा गरे पछि सरकारले निर्णय सच्याएकाे हाे।
स्वास्थ्य मन्त्रालयले यी दुई अस्पताल सहित ११ वटा अस्पताल केन्द्र मातहतमा राख्ने गरी प्रस्ताव लगेको भए पनि नौ वटा मात्र स्वीकृत गरेको थियो। यो सँगै केन्द्र मातहत रहने अस्पतालको सख्या ११ पुगेको छ ।
व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
वरिष्ठ प्याथोलोजिस्ट डा सुजन शर्मा स्पेनको बायोसिस्टम्समा प्राविधिक सल्लाहकार नियुक्त
चौंथो सुदीप्ता क्यान्सर सर्भाइभर र्याम्प शो हुँदै
स्वास्थ्य बीमा बोर्डको अध्यक्षमा डा सुवास प्याकुरेल नियुक्त
ह्याम्स अस्पताल र म्याक्स सुपर स्पेशालिटी अस्पतालबीच रणनीतिक सहकार्य