१५ माघ २०७५ , मङ्लबार

वीर अस्पतालमा नयाँ सिटी स्क्यान

काठमाडौं : वीर अस्पतालले १२८ स्लाइस क्षमताको नयाँ सिटी स्क्यान मेसिन जडान गरी सेवा दिन थालेको छ। यो मेसिनको आठ करोड ८४ लाख रूपैयाँ पर्छ।

अस्पतालमा यसअघि १६ स्लाइस क्षमताको सिटी स्क्यान मेसिन थियो । उक्त मेसिन बिग्रिएका कारण बिरामी अन्य अस्पतालमा जाँच गर्न जानुपर्ने बाध्यता थियो। नयाँ सिटी स्क्यान मेसिनको सेवा शुल्क निजीको भन्दा झण्डै तीन गुणा सस्तो रहेको अस्पतालले जनाएको छ ।

अस्पतालले शरीरको अंगको स्क्यानका आधारमा दुईदेखि चार हजार रूपैयाँसम्म शुल्क लिने गरेको छ। यो मेसिन खासगरी मष्तिष्कघात, मष्तिष्कभित्रका चोट, नशामा रगत जमेको, क्यान्सर, घाँटीको समस्या, हड्डीको समस्या, पेटको समस्याको पहिचानमा उपयोगी हुने बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।