१४ माघ २०७५ , सोमवार

अस्पताल परिसरभित्र अनशन नबस्नू : त्रिवि शिक्षण अस्पताल

काठमाडौं: त्रिवि शिक्षण अस्पतालले अस्पताल परिसरभित्र चिकित्सकलाई अनशन नबस्न भन्दै विज्ञप्ति प्रकाशन गरेको छ।

डा. गोविन्द केसीको अनशनलाई समर्थन गर्दै उनको जीवन रक्षाका लागि अस्पताल परिसरमा सोमबारदेखि चिकित्सकहरुले रिले अनशन शुरु गरेका छन्।

अस्पतालका कार्यकारी निर्देशक प्रा डा प्रेम कृष्ण खड्गाद्धारा हस्ताक्षर गरिएको उक्त विज्ञप्तिमा अस्पताल परिषरमा हुने धर्ना, अनशन, प्रदर्शन जस्ता कार्यले सर्वसाधारणलाई स्वास्थ्य उपचार सेवा प्रदान गर्न असर पर्ने हुनाले अस्पताल जस्तो सर्वसाधारणको पहुँचमा रहेको स्थानमा धर्ना अनशन जस्ता विरोधका कार्यक्रम नगर्न सम्बन्धित सबैलाई आग्रह गरिएको छ भन्ने उल्लेख छ ।

यो विज्ञप्तिको प्रतिउत्तरमा चिकित्सकहरुले आइसीयूमै गएर अनशन बस्ने जवाफ दिएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।