दक्षिण काेरियामा आधाले पहिलो बच्चा जन्माउँछन् शल्यक्रियाबाट
दक्षिण कोरियामा पहिलो बच्चा जन्माउने महिलामध्ये आधाले शल्यक्रियामार्फत बच्चा जन्माउने गरेको पाइएको छ।
आइतबार सार्वजनिक गरिएको तथ्याङ्कअनुसार सन् २०१७ मा शल्यक्रियामार्फत बच्चा जन्माउने महिलाको संख्या करिब आधा पुगेको हो।
स्वास्थ्य बिमा पुनरावलोकन तथा मूल्याङ्कन सेवाका अनुसार सन् २०१७ मा बच्चा जन्माएका मध्ये ४८.८ प्रतिशतले पहिलो बच्चा जन्माउँदा शल्यक्रिया गरेका छन्।
सो संख्या सन् २०१६ मा भन्दा ३.४ प्रतिशतले बढी हो। सन् २०१६ मा शल्यक्रिया गरेर पहिलो बच्चा जन्माउने महिलाको संख्या ४५.४ प्रतिशत रहेको सर्वेक्षणले देखाएको छ।
कोरियाली समाजमा बढी उमेर भएपछि मात्रै गर्भवती हुने चलन बढ्दै गएकाले स्वास्थ्य जटिलताका कारण पहिलो बच्चा जन्माउँदा शल्यक्रिया बढेकाे बताइएको भनाइ छ। कोरियामा पछिल्ला वर्षमा पहिलो पटक गर्भवती हुने महिलाको उमेर बढ्दै गएको पाइएको छ।
सर्वेक्षणका अनुसार करिब ३५ वर्ष वा सोभन्दा माथिको उमेरमा पहिलो पटक गर्भवती हुनेको संख्या करिब २९ प्रतिशत छ। सन् २००६ मा भने यो संख्या १४ प्रतिशतको हाराहारी थियो।
सर्वेक्षणकर्ताहरूले सन् २००६ मा ३५ वर्षको आसपासमा गर्भवती हुनेमध्ये ७ प्रतिशत पहिलो पटक गर्भवती भएका महिला रहेको जनाएका छन्। हरेक वर्ष गर्भवती हुने उमेर बढ्दै गएको छ।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र