१४ माघ २०७५ , सोमवार

निर्मलाकाे भेजिनल स्वाबसँग मिल्याे आमा दुर्गादेवीकाे डीएनए

काठमाडौं : बलात्कारपछि हत्या गरिएकी कञ्चनपुरकी निर्मला पन्तको ‘भेजिनल स्वाबसँग आमा दुर्गादेवी पन्तको ‘डीएनए’ मेल खाएको छ।

निर्मलाको योनिबाट निकालिएको स्वाबसँग आमा दुर्गादेवीको डिएनए मेल खाएको कञ्चनपुरका प्रहरीका नायब उपरीक्षक मेघबहादुर खत्रीले जानकारी दिएका हुन्।

निर्मलाको योनिबाट निकालिएको स्वाबमाथि शंका गर्दै दुर्गादेवी पन्तले गत पुस २५ गते महाकाली अञ्चल अस्पतालमा पुगेर रगतको नमुना दिएकी थिइन्।

गत साउन १० गते कञ्चनपुरकी १३ वर्षीया निर्मला पन्तको बलात्कारपछि हत्या भएको थियो। हत्या अभियोगमा पक्राउ परेका २० भन्दा बढीको डीएनए परीक्षण गर्दा पनि अपराधी पत्ता लाग्न सकेको छैन।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।