काठमाडौं: सरकारले प्रा. डा. गोविन्द केसीसँग गरेको सम्झौता विपरित चिकित्सा शिक्षा विधेयक पारित गरेपछि  नेपाल चिकित्सक संघले उपत्यकाका चिकित्सकको भेला बोलाएको छ।

संघले आइतबार दिउँसो १ बजे डा केसी अनसनरत शिक्षण अस्पताल महाराजगञ्जमा भेला बोलाएको हो। शुक्रबार सरकारले डा केसीसँगको सम्झौता विपरित चिकित्सा शिक्षा विधेयक पारित गरेपछि झनै आक्रोसित बनेका डा केसीले अनसन कुनै पनि हालतमा नतोड्ने बताएका छन्।

डा केसीको स्वास्थ्य अवस्था बिग्रदै गएको भदै संघले उनको जीवनरक्षाका लागि कसरी अघि बढ्ने  भन्ने विषयमा छलफल गर्न भेला बोलाएको हो। संघले यसअघि बिहिबार नै केसीसँग वार्ता गर्न सरकारलाई ७२ घण्टाको अल्टिमेटम दिएको थियो।

संघले जारी गरेको विज्ञप्तिमा माथेमा आयोगको प्रतिवेदन, चिकित्सा शिक्षा र स्वास्थ्य सेवाका अभियन्ता डा गोविन्द केसीको पटक–पटकको अनशन र नेपाल सरकारले डा केसीसँग सम्झौता मार्फत गरिएका प्रतिबद्धता विपरित राष्ट्रिय चिकित्सा शिक्षा विधेयक संसदबाट दुई तिहाईको बलमा पारित गरेको
उल्लेख छ ।