११ माघ २०७५ , शुक्रबार

शिक्षामन्त्री पोखरेलले डा. केसीलाई भने, अनशन त्याग्नुस्

काठमाडौं : शिक्षा, विज्ञान तथा प्रविधिमन्त्री गिरिराजमणि पोखरलले अनशनरत डा.गोविन्द केसीलाई अनशन स्थगन गर्न आग्रह गरेका छन्।

संसद्को गरिमा, पद्धति र संस्कृतिलाई सम्मान गर्दै अनशन फिर्ता लिइदिन मन्त्री पाेखरेलले डा.केसीसँग आग्रह गरे। उनले विधेयक नयाँ ढङ्गले कार्यान्वयनका लागि सहयोग गर्ने वातावरण बनाइदिनसमेत आग्रह गरे।

प्रतिनिधिसभाले राष्ट्रिय चिकित्सा शिक्षा विधेयक पारित गरेपछि संसद् भवन नयाँबानेश्वरमा सञ्चारकर्मीसँग कुरा गर्दै मन्त्री पोखरेलले वैशाखमा नयाँ शैक्षिक सत्र सुरु हुने भएकाले पनि विधेयक पास गर्न हतार गर्नुपरेको तर्क गरे।

‘डा.केसीको स्वास्थ्यबारे सरकार चिन्तित छ’, उनले भने, ‘विधेयकले डा. केसी र चिकित्सा शिक्षा सुधारका लागि लागेकाहरूले गरेको मागलाई सर्वाधिक समेटेको छ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।