काठमाडौं : अनशनरत डा. गोविन्द केसीका समर्थकहरूलाई संघीय संसद भवन अगाडिबाट प्रहरीले पक्राउ गरेको छ।डा. केसीको मागप्रति ऐक्यबद्धतासहित उनको जीवनरक्षा माग गर्दै गरिएकाे  प्रदर्शनका  क्रममा प्रहरीले उनीहरूलाई पक्राउ गरेकाे हाे।

पक्राउ पर्नेमा विवेकशील नेपाली दलका संयोजक उज्वल थापा, सदस्यहरू शशीविक्रम कार्की, अजिता राई, डा. दिनेश प्रसाईँ, अम्बिका कार्की, सुजन श्रेष्ठ, रामजी पन्त र मिलन पाण्डेलगायत रहेकाे डा.केसीका समर्थक प्रितम केसीले जानकारी दिए।

संसद भवन बानेश्वर पानीट्यांकीको भाग संसदगेटमा नाराबाजी गरिरहेको अवस्थामा उनीहरूलाइ प्रहरीले पक्राउ गरेकाे  गरेको हो।

पक्राउ परेकाहरूलाई अहिले नेपाल पुलिस क्लब भृकुटीमण्‍डपमा राखिएको छ।

चिकित्सा शिक्षा विधेयक शुक्रबार दिउँसो १ बजे बस्ने संघीय संसदको बैठकले पारित गर्ने तयारी गरिरहँदा उनीहरूले प्रदर्शन गरेका हुन्।