११ माघ २०७५ , शुक्रबार

सुत्केरीलाई गाउँपालिकाकाे घिउ र लिटो

डडेल्धुरा : अजयमेरु गाउँपालिकाले सुत्केरीलाई घिउ र लिटो वितरण गरेको छ। वडा नम्बर २ का १३ सुत्केरीलाई गाउँपालिकाले घिउ र लिटो वितरण गरेको हो।

चमडामा बिहीबार आयोजित कार्यक्रममा गाउँपालिका अध्यक्ष उमेशप्रसाद भट्टले सुत्केरी महिलालाई घिउ र लिटो प्रदान गरे। आमा र बच्चालाई तन्दुरुस्त राख्न घिउ र लिटो वितरण गरिएको गाउँपालिका अध्यक्ष भट्टले बताए। वडाभित्र चालू आर्थिक वर्षकाे असारदेखि हालसम्म सुत्केरी भएकी महिलालाई पौष्टिक तत्त्वका लागि घिउ र लिटो प्रदान गरिएको हो।

उनीहरूलाई निरोगी र स्वास्थ्य बनाउन दुई किलो गाईको घिउ र पाँच किलो लिटो वितरण गरिएको वडाध्यक्ष शिवराज भट्टले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।