११ माघ २०७५ , शुक्रबार

तीन अस्पतालका आवासीय चिकित्सकले आजदेखि आकस्मिकबाहेकका सेवा नदिने

काठमाडौं: प्रा. डा. गोविन्द केसीको आमरण अनशनको समाधानका लागि सरकारले पहल नगरेको भन्दै तीन अस्पतालका आवासीय चिकित्सकले आकस्मिकबाहेकका सेवा ठप्प पार्ने भएका छन्।

चिकित्साशास्त्र अध्ययन संस्थान त्रिवि शिक्षण अस्पताल महाराजगञ्ज, चिकित्सा विज्ञान राष्ट्रिय प्रतिष्ठान वीरअस्पताल र बीपी कोइराला स्वास्थ्य विज्ञान प्रतिष्ठान धरानसम्बद्ध आवासीय चिकित्सकरूले बिहीबार संयुक्त प्रेस विज्ञप्ति निकाल्दै यस्तो निर्णय गरेका हुन्।

चिकित्सा शिक्षामा सुधारको माग राख्दै डा. केसी १६औँ चरणको अनशनमा छन्। उता चिकित्सकहरुको छाता संगठन नेपाल चिकित्सक संघले विहिबार नै सरकारलाई डा केसीसँग वार्ता गर्नका लागि ७२ घण्टे अल्टिमेटम दिँदै कडा आन्दोलनमा उत्रिने चेतावनी दिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।