१० माघ २०७५ , बिहिबार

निःशुल्क औषधि मेडिकलमा किन्न सिफारिस गर्छ जिल्ला अस्पताल

डोल्पा : सरकारले ७० प्रकारका औषधि निःशुल्क उपलब्ध गराउने भने पनि जिल्ला अस्पतालमा सेवा लिन जानेहरू मेडिकलमा किन्र बाध्य छन्।

दैनिक आवश्यकीय १५ प्रकारको औषधी नहुँदा दैनिक उपचार गर्न समस्या भएको जिल्ला अस्पताल डोल्पाका निर्मित प्रमुख हिमविक्रम शाहीले बताए। गाउँ–गाउँबाट बिरामी भएर आएका स्थानीयको जाँच गरे पनि निःशुल्क उपलब्ध हुने औषधि नहुँदा रित्तो हात फर्काउनु परेको उनकाे भनाइ छ।

‘दैनिक बिरामी जाँच गरी औषधि बाहिर किन्न पठाउँदा हामीलाई पनि दु:ख लाग्छ’,असिष्टेन्ट फर्मासिस्ट वीरचन्द्र बोहोराले भने, ‘जिल्ला अस्पतालमा तीन हप्तादेखि औषधि अभाव छ।’ दैनिक बिरामीको चाप बढेसँगै औषधि नहुँदा उपचारमा समस्या परेको उनले बताए।

स्थानीय सरकार गठन भएदेखि नै स्थानीय सरकारको खातामा औषधि खरिददेखि कर्मचारीको तलब सम्म आउने गरेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।