९ माघ २०७५ , बुधबार

स्वास्थ्यमा प्रशासन समूहका नवनियुक्त सचिव घिमिरेले गरे पदवहाली

काठमाडौं: स्वास्थ्य मन्त्रालयको प्रशासन समूहका सचिव चन्द्रकुमार घिमिरेले पदबहाली गरेका छन्।

बुधबार मन्त्रालय पुगी घिमिरेले पदवहाली गरेका हुन्। गत साता मन्त्रिपरिषद् बैठकले उद्योग वाणिज्य तथा आपूर्ति मन्त्रालयमा रहेका सचिव घिमिरेलाई स्वास्थ्यको प्रशासन समूह र स्वास्थ्यको प्रशासन समूहमा रहेका सचिव केदारबहादुर अधिकारीलाई उद्योग बाणिज्य तथा आपूर्ति मन्त्रालयमा सरुवा गर्ने निर्णय गरेपछि उनी स्वास्थ्य मन्त्रालय आएका हुन्।

स्वास्थ्यमा हाल दुई जना सचिव छन्। जिम्मेवारी बाँडफाँडका क्रममा डा चौधरीलाई स्वास्थ्य र अधिकारीलाई प्रशासन हेर्ने गरी मिलाइएको थियो। अधिकारीकै स्थानमा मन्त्रालयको जनसंख्या एवम प्रशासनको जिम्मेवारी समाल्ने गरी घिमिरे आएका हुन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।