४ माघ २०७५ , शुक्रबार

डा. केसीको उपचारका लागि नाै सदस्यीय चिकित्सक टोली गठन

काठमाडौं : इलामबाट बिहान काठमाडौं ल्याइएका डा. गोविन्द केसीको उपचारका लागि नाै सदस्यीय चिकित्सकको टोली गठन गरिएको छ।

त्रिवि शिक्षण अस्पतालको आईसीयू कक्षमा राखिएका डा.केसीको उपचारका लागि डा. सुवास आचार्यको संयोजकत्वमा नाै चिकित्सक टाेली गठन भएकाे हाे। टाेलीमा डा. दिव्यासिंह शाह, डा. प्रमेशसुन्दर श्रेष्ठ, डा. पंकज पन्त, डा. सविन थपललिया, डा.सन्तकुमार दास, डा. सूर्य देवकोटा, डा.रविन नेपाली र नर्स गंगा थापा रहेकाे अस्पतालका निर्देशक प्रा.डा. प्रेम खड्गाले बताए।

चिकित्सा शिक्षामा सुधारलगायत विभिन्न माग राखेर पुस २५ देखि इलाममा अनशनरत डा. केसीको स्वास्थ्यमा समस्या देखिएपछि शुक्रबार बिहान ‘नाइटभिजन हेलिकोप्टर’बाट काठमाडौं ल्याइएको हो।

उनकाे स्वास्थ्य अवस्थाबारे नियमित अपडेट गर्ने अस्रपतालले जनाएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।