काठमाडौं : स्वास्थ्य तथा जनसंख्या मन्त्री उपेन्द्र यादवको निर्देशनमा इलाममा अशनरत डा. गोविन्द केसीको उपचारका लागि बीपी कोइराला स्वास्थ्य विज्ञान प्रतिष्ठान धरानबाट छजना चिकित्सकको टोली इलाम पठाइएको छ ।

प्रतिष्ठानका अस्पताल सहायक निर्देशक डा.विकास शाहको नेतृत्वमा टोली बिहीबार पनि चिकित्सकको टोली इलाम गएकाे हाे।

टाेलीमा डा. आशिस सुवेदी, एनेथेस्थेसिया र आईसीयू, डा. अदिती महासेठ, कार्डियोलोजिष्ट, डा.राजकुमार गजमेर, इमर्जेन्सी फिजिसियन, केशव नेपाल, ल्याब टेक्निसियन, देवकान्त चौधरी, नर्स, लगायत छन्।

बुधबार गएको टोलीले पहिलो चरणको उपचार गरी फर्केको र आज गएको टोली भने केही दिन इलाम नै रहने डा.विकास शाहले जानकारी दिए।

प्रतिनिधिसभामा विचाराधीन चिकित्सा विधेयकमा आफूसँग भएको सहमति पालना हुनुपर्ने अडान राख्दै आमरण अनशनमा रहेका डा. केसीकाे स्वास्थ्य अवस्था बिग्रिँदै गएपछि सरकारले चिकित्सकको टोली इलाम पठाएकाे हाे।