बालबालिकाको स्वास्थ्यका लागि आमालाई पाँच दिन विदा
बालबालिकाको हेरचाह गर्न भन्दै मंगोलिया सरकारले आफ्ना कर्मचारीलाई पाँचदिने तलबी बिदा घोषणा गरेको छ। विभिन्न रोगको संक्रमण हुने समय भएकाले उनीहरूलाई पाँच दिनको विदा दिने निर्णय गरेको अधिकारीहरूले जानकारी दिएका छन्।
बच्चा भएका कर्मचारी तथा रेखदेख गर्ने व्यक्तिहरुलाई पाँच दिनसम्म विदा लिन पाउने व्यवस्था गरिएको हो। रोगको संक्रमणमा परेका पाँच वर्षमुनिका बालबालिकाकाे हेरचाहका निम्ति विदा दिने घोषणा गरिएको अधिकारीहरूको भनाइ छ।
सरकारले निजी तथा सार्वजनिक संस्थाहरू तथा कम्पनीहरूलाई पनि त्यस्ता बालबालिका भएका कर्मचारीहरुलाई विदा दिन पनि आह्वान गरेको छ।
राजधानी उलानबाटोरसहितका ठाउँमा वायु प्रदूषण, निमोनिया, इन्फ्लुयन्जार अन्य सरुवा रोगहरूका कारण धेरै बालबालिका प्रभावित भएका छन्। राजधानीमा रहेका अस्पतालमा बालबालिकासम्बन्धी उपचार कक्षहरूमा अहिले क्षमताभन्दा बढी बिरामी रहेकाे जनाइएकाे छ।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण