काठमाडाैं  चिकित्सा शिक्षामा सुधारको माग गर्दै अनसनरत डा गोबिन्द केसीको स्वास्थ्य गम्भीर बन्दै गएपछि स्वास्थ्य मन्त्रालयको पहलमा धरानबाट विशेषज्ञ टोली त्यसतर्फ गएको छ ।

बीपी कोइराला स्वास्थ्य विज्ञान प्रतिष्ठान धरानबाट इर्मरजेन्सी मेडिसिन र मुटुरोग विशेषज्ञसहितको ७ जनाको टोली ‘पोर्टेवल भेन्लिेटर’ र अन्य उपकरणसहित इलामतर्फ लागेको स्वास्थ्य सचिव डा पुष्पा चौधरीले जानकारी दिइन ।  धरानमा समेत आइसियू कक्षा तयारी अवस्थामा राख्न लगाएका छौं उनले भनिन, ‘उहाँको स्वास्थ्य अवस्थालाई हेरेर सकेसम्म धरानमै सार्न खोजेका छौं ‘ चौधरीले भनिन ।

यता डा केसीको अवस्था कमजोर बन्दै गएपछि मंगलबारदेखि उनलाई एन्टिबायोटिक चलाइएको अस्पतालका निमित मेडिकल सुपरिटेन्डेन्ट डा बृजेन्द्र कुमार साहले बताए । डा केसीलाई निमोनियाले कमजोर बनाउनुका साथै, मुटुको चाल गडबडी र रगतमा चिनीको मात्रा कम देखिन थालेको उनकाे भनाई छ ।