३० पुस २०७५ , सोमवार

स्वास्थ्यमा समस्या आएपछि डा. केसीलाई लगियाे अस्पताल

काठमाडौं : स्वास्थ्यमा समस्या आएपछि डा. गोविन्द केसीलाई इलाम जिल्ला अस्पताल लगिएको छ। मुटुको चाल अनियमित हुनुका साथै फोक्सोमा समस्या आएपछि सोमबार बिहान ९ बजे अस्पताल सारिएको सहयोगी डा. अभिशेक राज सिंहले बताए।

केसीले अस्पताल लग्नुभन्दा माग पूरा गर्न आग्रह गरेका थिए। अनशन सुरु गरेको दोस्रो दिनदेखि नै केसीको छातीको दुःखाइ, खोकीलगायतका समस्या शुरु भएको थियो। पाँचौ दिन आइतबारदेखि मुटुको चालसमेत अनियमित भएको थियो।

१५औँ अनशनका बेलामा आफूसँग भएका सहमति कार्यान्वयन गर्नुको साटाे सरकारले शिक्षा तथा स्वास्थ्य समितिबाट सम्झौताविपरीत चिकित्सा शिक्षा विधेयक पास गरेको भन्दै डा.केसी इलामस्थित शहरी विकास परियोजनाको कार्यालयमा १६ औँ अनशन बसिरहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।