काठमाडौं : नेपाल चिकित्सक संघले आमरण अनशनरत डा. गोविन्द केसीको जीवन रक्षाका लागि पहल गर्न सरकारलाई आग्रह गरेको छ ।

सहमति कार्यान्वयन गर्नुको साटो डा. केसीलाई बेवास्ता गर्ने गतिविधि गरेर सरकारले आफ्नो गरिमा र प्रतिष्ठामाथि नै आँच पुर्‍याएको ठहर चिकित्सक संघले गरेको छ।

पटक पटक अनशनमा बस्दा केसीको शारीरिक अवस्था अत्यन्त कमजोर भएको र जनुसुकै बेला अप्रिय घटना घट्नसक्ने भन्दै संघका महासचिव डा. लोचन कार्कीले जीवनरक्षाका लागि विशेष पहल गर्न आग्रह गरेका छन्। अनशनलाई सदाका लागि अन्त्य गर्ने वातावरण तयार गर्न सरकारलाई आग्रह उनले सुझाव दिए।

१५औँ पटकको अनशन तोड्दा सरकारसँग भएको सहमति कार्यान्वयनको माग राख्दै डा. केसी शुक्रबारदेखि इलाममा अनशनरत छन्।