२८ पुस २०७५ , शनिबार

क्यान्सर विजेताहरु ‘र्‍याम्प शो’मा यसरी उत्रिए

काठमाडौं : क्यान्सरबारे जनचेतना जगाउन नेपाल क्यान्सर सहयोग समूहको आयोजनामा भएको ‘क्यान्सर सर्भाइभर र्‍याम्प सो’ मा क्यान्सर विजेताहरु शुक्रबार खुलेर प्रस्तुत भए ।

ललितपुरको हेरिटेज गार्डेनमा भएको ‘सुदिप्त क्यान्सर सर्भाइभर र्‍याम्प शो’मा उनीहरुले पहिलोपटक र्‍याम्प वाक गरेका हुन। क्यान्सरबारे अझ बढी जनचेतना जगाउन ‘क्यान्सर सर्भाइभर याम्प सो’ ले सहयोग गर्ने विश्वास लिएको कार्यक्रम संयोजक स्वरुपा श्रेष्ठले बताइन । ‘क्यान्सर जीवनको अन्त्य होइन, यसपछि पनि जीवन छ भन्ने सन्देश दिन आयोजना गरिएको र्‍याम्प शो मा २५ जना क्यान्सर सर्भाइभर सहभागी भएका थिए।

नेपालमै पहिलो पटक आयोजना गरिएको क्यान्सर बिजेताहरुको र्‍याम्प शोमा क्यान्सर बिजेता एवम उनीहरुलाई उपचार गर्ने चिकित्सक र स्वास्थयकर्मी समेत सँगै र्‍याम्प वाकमा सहभागी भए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।