१९ पुस २०७५ , बिहिबार

मेलौलीमा पुग्याे एम्बुलेन्स

बैतडी : मेलौली नगरपालिकामा एम्बुलेन्स सेवा शुरु भएको छ। नगरपालिकाको रु १० लाख ४९ हजार बजेटमा नगरपालिकाले एम्बुलेन्स खरिद गरी बुधबारदेखि सञ्चालनमा ल्याइएको नगरपालिकाका प्रमुख प्रशासकीय अधिकृत लोकेन्द्रसिंह नेगीले बताए।

२४ सैँ घण्टा सञ्चालन गरिने एम्बुलेन्स नेपाल सरकारको एम्बुलेन्स भाडादरमा चलाइने मेलौली नगरपालिकाले जनाएको छ। करिब छ\सात महिनाको प्रयासपछि नगरपालिकामा एम्बुलेन्स ल्याएको नगरप्रमुख कृष्णसिंह नायकको भनाइ छ।

३४ लाख रुपैयाँ पर्ने यो टाटा कम्पनीको एम्बुलेन्स भन्सार छुटमा १० लाख ४९ हजारमा ल्याउन सफल भएको मेलौली नगरपालिकाले जनाएको छ।

एम्बुलेन्स नहुँदा त्यस क्षेत्रका धेरै नागरिकले ज्यान गुमाउनु परेको थियो। अब यहाँका बिरामीसँगै सुत्केरी महिलालाई सहज हुने भएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।