१८ पुस २०७५ , बुधबार

हटेनन् अञ्चल अस्पताल परिसरका निजी फार्मेसी

धनुषा : जनकपुर अञ्चल अस्पताल परिसरमा औषधि पसल बन्द गर्न प्रशासनले दिएकाे निर्देशन फार्मेसी सञ्चालकहरूले अटेर गरेका छन्। प्रशासनले बन्द गर्न पत्राचार गरेको महिनौँ बितिसक्दा पनि फार्मेसीहरू सञ्चालनमै छन्।

अस्पताल परिसरमा रहेको नेपाल रेडक्रस सोसाइटीको भवनमा सञ्चालित रामजानकी मेडिकल र साझा फार्मेसी बन्द गर्न पत्राचार गरेको दुई महिना बितिसकेको छ। परिसरभित्रका अन्य फार्मेसी हटाइए पनि ती दुईले बेवास्ता गरेका छन्।

अस्पतालका तत्कालीन मेडिकल सुपरिटेण्डेण्ट डा. रामपरीक्षण यादवले गत कात्तिक ९ मा नेपाल रेडक्रस सोसाइटी जनकपुरधामलाई पत्राचार गरी रेडक्रस भवनमा सञ्चालित रामजानकी मेडिकल हल र साझा औषधी पसल बन्द गर्न निर्देशन दिएका थिए।

अस्पतालका निमित्त मेडिकल सुपरिटेण्डेण्ट डा. नागेन्द्रप्रसाद यादवले ती फार्मेसी चाँडै बन्द गराउने बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।