काठमाडौं : शिक्षा, विज्ञान तथा प्रविधिमन्त्री गिरिराजमणि पोखरेलले चिकित्सक डा. गोविन्द केसीलाई केही व्यक्तिले अनशन बस्न  उक्साएको टिप्पणी गरेका छन्।

संघीय संसदको शिक्षा तथा स्वास्थ्य समितिले राष्ट्रिय चिकित्सा शिक्षाको सम्बन्धमा व्यवस्था गर्न बनेको उपसमितिमा मन्त्री पोखरेलले डा. केसीलाई अनावश्यक उचालिएको धारणा राखेका हुन्। अनशन बस्न  डा. केसीलाई  कसले प्रेरित गरिरहेकाे छ भन्ने विषयमा भने उनले केही बताएनन्।

मन्त्री पोखरेलले उपसमितिलाई डा. केसीसँग गरेका सहमति अनुसार प्रतिवेदन तयार गर्न आग्रह गरेका छन्। उनले नयाँ मेडिकल कलेज खोल्नेबारेको व्यवस्था डा. केसी र सरकारबीच भएको सहमति अनुसार गरिदिन माग गरेका हुन्।

डा. केसी मंगलबार  १६औँ अनशन बस्नका लाग इलाम पुगेका छन्। चिकित्सा शिक्षाका विषय विभिन्न माग राख्दै डा. केसी १५ पटक अनशन बस्दै आएका छन्।