१५ पुस २०७५ , आइतवार

सार्वजनिक बिदा भन्दै जिल्ला अस्पताल बन्द

हुम्ला : सार्वजनिक बिदा भन्दै आइतबार जिल्ला अस्पताल बन्द गरिएको छ। गुरुङ समुदायले मनाउने तमु ल्होसारमा सरकारले सार्वजनिक बिदा दिएकाले अस्पतालमा पनि विदा गरिएको चिकित्सक सरोज प्रजापतिले जानकारी दिए।

अस्पताल हुम्लाको आकस्मिक कक्षबाहेक सबै सेवा बन्द गरिएको बताइएको छ। अत्यावश्यकीय सेवा प्रदान गर्ने अस्पतालबन्द गरिँदा बिरामीले सास्ती बेहोरेका छन्।

जिल्ला जिल्लामा रहेका अन्य सरकारी कार्यालय भने सञ्चालनमा आएका छन्। गण्डकी प्रदेश सरकारले गुरुङ समुदायलाई सार्वजनिक बिदा दिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।