९ पुस २०७५ , सोमवार

स्वास्थ्य सेवा प्रभावकारी बनाउन सम्झौता

कर्णाली प्रदेशको सामाजिक विकास मन्त्रालय र कर्णाली स्वास्थ्य विज्ञान प्रतिष्ठानबीच कर्णाली प्रदेशको स्वास्थ्य सेवा र स्वास्थ्य शिक्षा प्रभावकारी रूपमा विकास र विस्तार गर्न आइतबार सम्झौता भएको छ ।

प्रदेशका जिल्लामा कर्णाली स्वास्थ्य विज्ञान प्रतिष्ठानमार्फत गुणस्तरीय विशेषज्ञ सेवा विस्तार गर्ने, आवश्यक जिल्लामा टेलिमेडिसिन सेवा सञ्चालन गर्ने, अस्पताल प्रतिष्ठानद्वारा सञ्चालित विभिन्न शैक्षिक कार्यक्रमको शैक्षिक अभ्यास सञ्चालन गर्ने र स्वास्थ्य अनुसन्धानमूलक कार्यक्रम प्रदेशमा रहेका सम्पूर्ण स्वास्थ्य संस्थासँग सहकार्य गर्ने सम्झौता भएको हो।

सो अवसरमा सामाजिक विकासमन्त्री दल रावलले अब कर्णालीमा स्वास्थ्य र शिक्षामा आइपर्ने कठिनाइलाई सहज गर्नको लागि प्रदेश सरकार कटिबद्ध रहेको बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।