१ पुस २०७५ , आइतवार

रकम अभावले नुवाकाेट दुर्घटनामा घाइतेकाे उपचारमा समस्या

नुवाकोट : दुप्चेश्वर गाउँपालिका–१ घ्याङडाँडामा शुक्रबार भएको मिनीट्रक दुर्घटनामा घाइतेको उपचारमा रकम अभाव भएको छ।

मिनीट्रकमा सवार यात्रुको बीमा नहुने र यातायात समितिमा समेत आबद्ध नहुँदा घाइतेको उपचारमा रकम अभाव भएको हो। केन्द्रीय सरकारमार्फत निःशुल्क उपचारको व्यवस्था मिलाउन उनीहरुले माग गरेका छन्।

नुवाकोटका प्रमुख जिल्ला अधिकारी उद्धवबहादुर थापाले शनिबार गृह मन्त्रालय, राष्ट्रिय आपतकालीन कार्य सञ्चालन केन्द्र काठमाडौँ र प्रदेश ३ का आन्तरिक मामिला तथा कानुन मन्त्रालयलाई पत्र लेख्दै घाइते भएकाहररू भौगोलिक विकट स्थानका गरिब समुदायका भएकाले उनीहरूका लागि निःशुल्क उपचारको व्यवस्था मिलाउन आग्रह गरेका छन्।

१५ जना घाइतेको काठमाडौंको शिक्षण, बीपी स्मृति लगायत अस्पतालमा उपचार भइरहेको छ। दुर्घटनामा २० जनाको मृत्यु भएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।