२७ मंसिर २०७५ , बिहिबार

सिरहाकाे दुर्गम बस्तीमा डा. केसीकाे स्वास्थ्य शिविर

सिरहा : त्रिवि शिक्षण अस्पतालका हाडजोर्नी डाक्टर गोविन्द केसीले सिरहाको दुर्गम दलित बस्तीमा पुगेर स्वास्थ्य शिविर चलाएका छन्।

डा. केसीले निजी खर्चमा सोमबारदेखि बुधबारसम्म सिरहाको सखुवानन्कारकट्टी गाउँपालिका–२ सोठियाइनको दलित बस्तीमा स्वास्थ्य शिविर चलाएका हुन्।

लाहानबाट १५ किलोमिटर दक्षिणमा पर्ने सोठियाइनस्थित दलित बस्तीमा चलाइएकाे स्वास्थ्य शिविरमा ३२५ जनाले स्वास्थ्य जाँच गराएका छन्।

केसीले सोमबारदेखि बुधबारसम्म स्थानीय बासिन्दाकाे स्वास्थ्य जाँच गरी श्वासप्रश्वास, हाडजोर्नी, नसालगायतकाेऔषधि समेत वितरण गरेको सोठियाइन हेल्थपोष्टकी इञ्चार्ज कल्पनाकुमारी यादवले जानकारी दिइन्।

उनले स्वास्थ्य सेवासँगै न्यायो कम्बल पनि वितरण गरेको केसीका सहयोगी डा. राज झाले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।