२४ मंसिर २०७५ , सोमवार

स्वास्थ्यसचिव अधिकारीले सम्हाले कार्यभार

काठमाडौं : स्वास्थ्य तथा जनसंख्या मन्त्रालयका सचिव केदारबहादुर अधिकारीले कार्यभार सम्हालेका छन्।

सोमबार बिहान कार्यभार सम्हाल्दै सचिव अधिकारीले मन्त्रालयमा रहेका कर्मचारीहरूको योग्यता र क्षमता उपयोग गर्दै अघि बढ्ने बताए। ‘सरकारको नीति तथा कार्यक्रमअनुरुप अगाडि बढ्न सबैले सहयोग गर्नुहुनेछ भन्ने विश्वास लिएको छु’, उनले भने। उनले नेपाल चिकित्सक संघलगायतकाे मागका विषयमा अध्ययन गरी अघि बढ्ने बताए।

अधिकारीलाई निमित्त सचिव डा. सुशीलनाथ प्याकुरेलले स्वागत गरेका थिए। सचिव अधिकारीले यसअघि सहसचिवका रूपमा दुई वर्ष स्वास्थ्य मन्त्रालयमा काम गरिसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।