२३ मंसिर २०७५ , आइतवार

आँखा अस्पताल हेटौँडालाई ८४ लाखको मेसिन सहयोग

हेटौँडा : रोटरी क्लबअफ हेटौँडाको पहलमा सामुदायिक आँखा अस्पताल हेटौँडालाई ८४ लाख मूल्य बराबरको उपचार मेसिन सहयोग प्रदान गरिएको छ।

रोटरी क्लब अफ अष्ट्रेलिया, तासमिनिया र ताइवानको सहयोगमा ८४ लाख ६० हजार मूल्य बराबरको आँखा जाँच गर्ने आधुनिक मेसिन अस्पताललाई प्रदान गरिएको हो।

सुगरका बिरामीको आँखाको उपचारमा सहयोग पुग्ने उद्देश्यले सो मेसिन प्रदान गरिएको हो। रोटरी क्लब अष्ट्रेलियाका जेम्सविल्कसले रोटरी क्लब अफ हेटौँडाका अध्यक्ष लेखराज पोखरेललाई प्रदान गरेको उक्त मेसिन अस्पतालका चिकित्सक डा. सुनील थकालीलाई हस्तान्तरण गरिएको छ ।

२०६५ मङ्सिर ५ गते स्थापित सो अस्पतालमा दैनिक २५० भन्दा बढी व्यक्तिले आँखा परीक्षण गराउने गरेका छन्। सो अस्पतालबाट हालसम्म ७० हजार व्यक्तिले आँखा परीक्षण गराइसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।