२० मंसिर २०७५ , बिहिबार

दन्त शिविरमा ४०० को उपचार

खोटाङ : रावाबेंसी गाउँपालिकाको कुभिण्डेमा आयोजित तीनदिने निःशुल्क दन्त शिविरमा करिब ४०० जनाको उपचार गरिएको छ। गाउँपालिकाको व्यवस्थापन तथा पूर्वाञ्चल डेण्टल हस्पिटल प्रालि विराटनगरको प्राविधिक सहयोगमा सञ्चालन गरिएको शिविरको दोस्रो दिन बुधबारसम्ममा ३८८ जनाको उपचार गरिएको हो।

गाउँपालिकालाई थोते दाँतमुक्त गाँउपालिका बनाउने उद्देश्यले सञ्चालन गरिएको शिविरमा नयाँ दाँत लगाउने, दाँतको उपचार गराउने, परीक्षण गराउने र औषधि लिनेको भीड लागेको रावाबेशी गाँउपालिकाका प्रमुख लिला निरौलाले बताए।

शिविरमा नयाँ दाँत हाल्ने, उपचार गराउने, परीक्षण गराउने र औषधि लिनेको भीड लागेको व्यवस्थापन समितिले जनाएको छ। एम डी एच् मीरा आचार्यको नेतत्वमा आएको नौ जनाको चिकित्सक टोलीले मंगलबार ४७ र बुधबार ७७ जना थोते वृद्धवृद्धालाई नयाँ दाँत लगाइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।