काठमाडौं : न्यूरो चिकित्सक सर्जनहरूको अन्तर्राष्ट्रिय शैक्षिक सम्मेलन साेमबार सम्पन्न भएको छ।

नोबेल शिक्षण अस्पताल र एसियन मेडिकल स्टुडेन्ट एण्ड रेसिडेन्स सोसाइटी फर न्यूरो सर्जरीको संयुक्त आयोजनामा भएको सम्मेलनमा संयुक्त अधिराज्य,  क्यानडा, ब्राजिल, अफ्रिका महादेश, जापान, चीन, भारत, पाकिस्तान, र नेपाल गरी नौ देशका ३० वरिष्ठ न्यूरो सर्जन सहभागिता रहेको थियो। यसैगरी विभिन्न देशका करीब १५० जना न्यूरो सर्जरीसम्बन्धी विद्यार्थी र आवासीय चिकित्सकको पनि सम्मेलनमा सहभागिता रहेको आयोजकले जनाएको छ।

सम्मेलनमा नेपाल, भारत, पाकिस्तानलगायत देशका न्यूरो सर्जरी चिकित्सकले सम्बन्धित विद्यार्थी र आवासीय चिकित्सकको क्षमता अभिवृद्धिका लागि न्यूरो सर्जरीका विषयमा सैद्धान्तिक र प्रयोगात्मक प्रशिक्षण दिएका थिए ।

वरिष्ठ न्यूरो सर्जन डा आइप चेरियन, डा. प्रकाश काफ्ले, डा. प्रमोद चौधरी, डा. भिग्नेस, डा. दीपक पौडेल, डा. सरन्या लगायतले सम्मेलनमा न्यूरो सर्जरीका विषयमा कार्यपत्र प्रस्तुत गरेका थिए।