११ मंसिर २०७५ , मङ्लबार

पाल्पाकाे गेझामा स्वास्थ्य चौकीमा प्रसूति सेवा शुरु

पाल्पा : रामपुर नगरपालिका–१० स्थित गेझा स्वास्थ्य चौकीमा प्रसूति सेवा शुरु भएको छ।

रामपुर नगरपालिकाका नगरप्रमुख रमणबहादुर थापाले साेमबार सो सेवाको उद्घाटन गर्दै प्रसूति सेवा सुचारु भएसँगै महिलालाई स्वास्थ्य संस्थामा पुगेर प्रसूति गराउन सजिलो हुने बताए। सो अवसरमा सुरक्षित गर्भपतन सेवा, पाठेघरको मुखको क्यान्सर परीक्षण र पाठेघरसम्बन्धी अन्य सेवासहित अस्थायी परिवार नियोजन सेवाको शिविर सञ्चालन गरिएको थियो।

शिविरमा यस क्षेत्रका १२५ जना नागरिकले सेवा लिएको स्वास्थ्य चौकी प्रमुख विक्रम भण्डारीले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।