५ मंसिर २०७५ , बुधबार

हुम्ला अस्पताल नर्सविहीन

हुम्ला : जिल्ला अस्पताल हुम्ला नर्सविहीन बनेको छ । हाल भएका एकजना पनि सरुवा भएर काठमाडौं गएपछि अस्पताल नर्सविहीन बनेको हो । दुईजना नर्सको दरबन्दी रहे पनि एक जनाले मात्र काम गर्दै आएकी थिइन् ।

जिल्ला अस्पताल हुम्लाका चिकित्सक डा.टर्सी आङजोक लामाले दुईजनाको दरबन्दी भए पनि एकजना नर्स एक वर्षदेखि जिल्लामा नआएको जानकारी दिए । उनले दुई जना र एकजना अनमीले मात्र जिल्ला अस्पताल चलाउँदै आएको बताए ।

स्वास्थ्यकर्मीको संख्या कम भएकाले काममा समस्या भएको चिकित्सकले बताए । जिल्ला अस्पताल हुम्लामा नवौँ र आठौँ तहका गरी दुई स्थायी चिकित्सक र आवश्यकताअनुसार कर्मचारी हुनुपर्नेमा दुई चिकित्सक र एक अनमीको भरमा अस्पताल चलेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।